గోవులను సురక్షితంగా నరసింహస్వామి వారి గోశాలకు తరలింపు
మంగళగిరి హైవే పై తెల్లవారుజామున గోవులను ఎలాంటి సంరక్షణ చర్యలు చేపట్టకుండా గోవులను ఇబ్బంది పెట్టే విధంగా వాహనంలో తరలిస్తుండగా వారిని అదుపులోనికి తీసుకొని గోవులను సంరక్షణ నిమిత్తం మంగళగిరి పట్టణానికి చెందిన నరసింహ స్వామి ఆలయ గోశాలకు తరలింపు. దీనికి ఆలయ కమిటీ గోశాల నిర్వాహకులకు ప్రత్యేక ధన్యవాదాలు తెలిపిన రూరల్ ఎస్సై వెంకట్. నైట్ డ్యూటీ చేసిన, విధి నిర్వహణలో ఈ చట్ట విరుద్ధ కార్యకలాపానికి నివారణలో భాగంగా తన డ్యూటీ నిర్వహించిన హోంగార్డ్ బుజ్జిని అభినందించారు. వాటిని తరలించే క్రమంలో కొందరు ప్రజానీకం వాటిని గమనించి వాటి పరిశీల నిమిత్తం కొన్ని సూచనలు చేయడం జరిగింది. గోవులు తరలించే విషయంపై చట్ట ప్రకారం చర్యలు తీసుకున్నాం. ఎలాంటి సందేహాలు లేదు. దీనిపై ఎలాంటి వివాదాలు గానీ ఎవరు కూడా ఎలాంటి భావాజాలతో వివాదాస్పదమైన వ్యాఖ్యలతో ఉండరాదని మంగళగిరి రూరల్ ఎస్సై సిహెచ్ వెంకట్ కోరారు.
