Wayanad Landslides Reasons : దేశం మెుత్తం ఇప్పుడు వాయనాడ్ గురించి మాట్లాడుకుంటోంది. సుందరమైన ఈ ప్రదేశంలో ప్రకృతి సృష్టించిన విధ్వంసానికి వంద మందికి పైగా చనిపోయారు. వాతావరణం పరిస్థితులు ఈ ఘటనకు ఒక కారణమైతే.. అక్కడ జరిగే రియల్ ఎస్టేట్, ప్రైవేట్ టూరిజం కూడా మరో కారణంగా తెలుస్తోంది.
కేరళకు వెళ్లాలని చాలా మంది అనుకుంటారు. అందులో చాలా మంది వాయనాడ్ను ఇష్టపడుతారు. ఎందుకంటే ఇక్కడ ప్రకృతి అందించే ఆహ్లాదం మాటల్లో చెప్పలేం. అనుభవించి తీరాల్సిందే. కానీ కొండచరియలు విరిగిపడిన ఘటనతో ప్రకృతికి కోపం వస్తే ఎలాంటి విధ్వంసం జరుగుతుందో చూపించింది. అనేక మంది ఈ విపత్తలో చనిపోయారు. చాలా మంది గల్లంతయ్యారు. అయితే ఈ ఘటనకు వాతావరణ పరిస్థితులు మాత్రమే కాదు.. అక్కడ జరుగుతున్న రియల్ ఎస్టేట్, ప్రైవేట్ టూరిజం కూడా ఓ కారణంగా అభిప్రాయాలు వ్యక్తమవుతున్నాయి.
