మరోవైపు శిమ్లా, మండి, కులు జిల్లాల్లో వరద ప్రభావిత ప్రాంతాల్లో గల్లంతైన వారి కోసం గాలింపు చర్యలు కొనసాగుతున్నాయి. రాష్ట్ర విపత్తు నిర్వహణ అథారిటీ (ఎస్డిఎంఎ) గణాంకాల ప్రకారం, జులై 31 రాత్రి వరుస మేఘస్ఫోటనం కారణంగా కులులోని నిర్మాణంద్, సైంజ్, మలానా, మండీలోని పధార్, సిమ్లాలోని రాంపూర్ సబ్డివిజన్లలో 55 మంది గల్లంతయ్యారు. వరద ప్రభావిత ప్రాంతాల్లో ఇప్పటి వరకు 28 మృతదేహాలను వెలికితీశారు. శిమ్లా, కులు జిల్లాల సరిహద్దులోని సమేజ్ గ్రామంలో 18 మంది గల్లంతయ్యారు.
