సత్వర విచారణ హక్కును కోల్పోయారు..
‘‘త్వరితగతిన విచారణ పొందే హక్కును సిసోడియా కోల్పోయారు. త్వరితగతిన విచారణ పొందే హక్కు పవిత్రమైన హక్కు. ఇటీవల జావేద్ గులాం నబీ షేక్ కేసులో మేము ఈ విషయాన్నే స్పష్టం చేశాం. కోర్టు, రాష్ట్రం లేదా ఏజెన్సీ సత్వర విచారణ హక్కును రక్షించలేనప్పుడు, నేరం తీవ్రమైనదని చెప్పి బెయిల్ ను వ్యతిరేకించలేము. నేరం స్వభావంతో సంబంధం లేకుండా ఆర్టికల్ 21 వర్తిస్తుంది’’ అని ధర్మాసనం పేర్కొంది. విచారణను నిర్ణీత గడువులోగా పూర్తి చేసే అవకాశం లేదని, విచారణ పూర్తి చేయడానికి ఆయనను జైలులో ఉంచడం ఆర్టికల్ 21 ఉల్లంఘన తప్ప మరేమీ కాదని ధర్మాసనం తేల్చి చెప్పింది.
