ఎస్ఎస్ఎల్వీ అభివృద్ధి పూర్తి: ఇస్రో చీఫ్ సోమనాథ్
స్మాల్ శాటిలైట్ లాంచ్ వెహికల్ (SSLV)-డీ3/ఈఓఎస్-08 మూడో ప్రయోగం విజయవంతంగా పూర్తయిందని ఇస్రో చీఫ్ సోమనాథ్ తెలిపారు. ఇంజెక్షన్ పరిస్థితుల్లో ఎలాంటి తేడాలు లేకుండా అనుకున్నట్లుగానే రాకెట్ స్పేస్ క్రాఫ్ట్ ను కచ్చితమైన కక్ష్యలోకి ప్రవేశపెట్టిందని ఆయన తెలిపారు. ట్రాకింగ్ తర్వాత తుది కక్ష్య తెలుస్తుందని, అయితే ప్రస్తుతానికి అంతా, ప్రణాళిక ప్రకారం, పక్కాగా ఉందని సోమనాథ్ చెప్పారు. ఈఓఎస్-08 ఉపగ్రహంతో పాటు ఎస్ఆర్-08 ఉపగ్రహాన్ని కూడా ప్రయోగించారు. ఎస్ఎస్ఎల్వీ-డీ3 బృందానికి, ప్రాజెక్టు బృందానికి సోమనాథ్ అభినందనలు తెలిపారు.
