iPhone gift: ప్రియురాలికి ఆపిల్ ఐఫోన్ కొనివ్వడానికి, ఆమె బర్త్ డే పార్టీకి నిధులు సమకూర్చడానికి తన తల్లి బంగారాన్ని దొంగిలించిన ఓ బాలుడిని ఢిల్లీ పోలీసులు అరెస్టు చేశారు. ఈ ఘటన ఢిల్లీలోని నజఫ్ గఢ్ లో చోటుచేసుకుంది. ఇంట్లోని బంగారం కనిపించకపోవడంతో బాలుడి తల్లి పోలీసులకు ఫిర్యాదు చేసింది. బంగారు చెవిపోగులు, బంగారు ఉంగరం, గొలుసు కనిపించకుండా పోయాయి. ఢిల్లీలోని ఇద్దరు స్వర్ణకారుల నుంచి పోలీసులు వీటిని స్వాధీనం చేసుకున్నారు. స్వర్ణకారుల్లో ఒకరైన కమల్ వర్మను పోలీసులు అరెస్టు చేశారు.
