Category: కైకలూరు

కైకలూరులోని క్యాంపు కార్యాలయంలో శాసనసభ్యులు డా” కామినేని శ్రీనివాస్ ని మర్యాద పూర్వకంగా కలిసిన ఏలూరు రోడ్డులోని గ్రీన్ విల్లెజ్ కాలనీ వాసులు. ఈ సందర్బంగా కాలని వాసులు మాట్లాడుతు కాలని ఎదురుగా పెద్దఎత్తున డంపింగ్ చేసిన చెత్తను తొలగించి తమ కుటుంబ సభ్యుల ఆరోగ్య సమస్యలు తీర్చినందుకు కృతజ్ఞతలు తెలిపారు. అలానే కాలినీని అభివృద్ధి చెయ్యాలని కోరారు. శాసనసభ్యులు కామినేని శ్రీనివాస్ సానుకూలంగా స్పందించి త్వరలోనే మీ సమస్యలు పరిష్కరించి కాలనీ అభివృద్ధి చేస్తామని తెలిపారు.

కైకలూరు విద్యాంజలి విద్యాసంస్థల అధినేత సయ్యద్ జమీల్ అహ్మద్ స్వయంగా రచించి పాడిన శ్రీ వాసవి కన్యకా పరమేశ్వరి అమ్మవారి రెండు భక్తి పాటలను శ్రీ వాసవి మాత ముద్దుబిడ్డ, ఆర్యవైశ్య అభిమాన నాయకుడు, జగ్గయ్యపేట శాసనసభ్యులు శ్రీరామ్ తాతయ్య వారి చేతుల మీదుగా బుధవారం నాడు ఆవిష్కరించారు. అనంతరం శ్రీరాం తాతయ్య రచయత,సిగర్ జమీల్ ను ఘనంగా సన్మానించి సత్కరించారు. ఈ సందర్భంగా వారు మాట్లాడుతూ ఒక ముస్లిం సోదరుడు కుల మతాలకు అతీతంగా ఆర్యవైశ్యుల ఇలవేల్పు అయినటువంటి శ్రీ వాసవి కన్యకా పరమేశ్వరి అమ్మవారిపై పాటలు రచించి, పాడడం మా ఆర్యవైశ్యులందరికీ గర్వకారణం అని అభినందించారు. ఈ కార్యక్రమంలో పైడిమర్రి జయ శ్యామల మాల్యాద్రి రాష్ట్ర వాణిజ్య విభాగం ప్రధాన కార్యదర్శి, ఈదా వెంకటస్వామి కైకలూరు నియోజకవర్గ ఎస్సీ సెల్ ప్రధాన కార్యదర్శి, గడిదేసి విజయ్, కనిశెట్టి శ్యామ్, జగ్గయ్యపేట ఆర్యవైశ్య సంఘం ప్రముఖులు పాల్గొన్నారు.

ముదినేపల్లి మండలంలోని సింగరాయపాలెం గ్రామం చేవూరుపాలెం సెంటర్లో వేంచేసి ఉన్న శ్రీ వల్లీ దేవసేన సమేత సుబ్రహ్మణ్యేశ్వర స్వామి వారి ఆలయం నందు రానున్న షష్ఠి మహోత్సవాలు సందర్భంగా కైకలూరు శాసనసభ్యులు డాక్టర్ కామినేని శ్రీనివాస్ బుధవారం ఉదయం ఆలయ ప్రాకారములో రాటను ప్రతిష్టించి షష్టి మహోత్సవ పనులను ప్రారంభించారు. ఈ సందర్భంగా ఆయన మాట్లాడుతూ.. స్వామివారి షష్ఠి మహోత్సవాలను వైభవోపేతంగా నిర్వహించాలని.. కమిటీ సభ్యులు ఓర్పుతో స్వామివారిని దర్శించుకునేందుకు వచ్చు భక్తులకు ఎటువంటి అసౌకర్యం కలుగకుండా చూసుకోవాలన్నారు. అదేవిధంగా ఉత్సవాలలో ఎటువంటి అవాంఛనీయ సంఘటనలు చోటు చేసుకోకుండా ఆలయ సిబ్బంది మరియు కమిటీ సభ్యులు సమన్వయంతో పనిచేసి ఉత్సవాలు ఆధ్యాత్మికతతో వైభవంగా జరిగేలా చూడాలని ఎమ్మెల్యే ఆదేశించారు. కార్యక్రమంలో ఎన్డీఏ నాయకులు ప్రజాప్రతినిధులు తదితరులు పాల్గొన్నారు.

చట్ట విరుద్ధంగా అక్రమ మద్యం కలిగి ఉన్నా, బెల్ట్ షాప్ లు నిర్వహించినా కేసులు నమోదు చేసి చట్టపరంగా చర్యలు తీసుకుంటామని ముదినేపల్లి ఎస్సై వీరభద్రరావు మంగళవారం ఓ ప్రకటనలో హెచ్చరించారు. ఆయన మాట్లాడుతూ… మండలంలోని వైవాక గ్రామానికి చెందిన ముగ్గురు వ్యక్తులు అక్రమ మద్యం కలిగి ఉండి బెల్ట్ షాపు నిర్వహిస్తున్నారన్న సమాచారంతో తన సిబ్బందితో కలిసి దాడిచేసి వారిని అదుపులోకి తీసుకున్నామన్నారు. నిందితుల వద్ద నుండి 120 మద్యం బాటిళ్లను స్వాధీనం చేసుకున్నామన్నారు.

కైకలూరు మండలంలోని చటాకాయ గ్రామంలో చేతబడులు చేస్తున్నారన్న అనుమానంతో ముగ్గురు వ్యక్తులపై దాడి జరిగిన సంఘటనలో 18 పై కేసు నమోదు చేసి నిందితులను అరెస్టు చేసి అదుపులోకి తీసుకున్నామని కైకలూరు రూరల్ సీఐ రవికుమార్ సోమవారం మీడియా సమావేశంలో తెలిపారు. సమావేశంలో సీఐ రవికుమార్ మాట్లాడుతూ.. చేతబడులు చేస్తున్నారన్న అనుమానంతో ముగ్గురు వ్యక్తులను గ్రామంలోని కొంతమంది వ్యక్తులు కలిసి విచక్షణారహితంగా వారిపై దాడి చేశారన్నారు. దాడిలో ఇద్దరు వ్యక్తులకు చేతులు విరగగా… మరో వ్యక్తి కనిపించని గాయాలయ్యాయని తెలిపారు. ఈ ఘటనపై అదే గ్రామానికి చెందిన సైదు రఘు అనే వ్యక్తి ఇచ్చిన స్టేట్మెంట్లో 18 మందిపై కైకలూరు రూరల్ పోలీస్ స్టేషన్ లో కేసు నమోదయిందన్నారు. ఆదివారం మధ్యాహ్నం 12 గంటలకు కైకలూరు రూరల్ ఎస్సై నిందితులను అరెస్టు చేయగా వారిలో ప్రధాన నిందితులైన ఆరుగురును కైకలూరు జె ఎఫ్ సి ఎం కోర్టు కు రిమాండ్ నిమిత్తం ... Read more

ఏలూరుజిల్లా ముదినేపల్లి మండలం ముదినేపల్లి జిల్లా పరిషత్ ఉన్నత పాఠశాలలో పదవ తరగతిలో 550 పైన ఉత్తిర్ణత సాధించిన 11 మంది విద్యార్థులకు ప్రత్యేక బహుమతులు అందజేశారు. ఎన్నారైలు దొడ్డపనేని బాబురావు, రామకృష్ణ ఆర్ధిక సహకారంతో స్థానిక శాసనసభ్యులు డాక్టర్ కామినేని శ్రీనివాస్ 11 మంది విద్యార్థులకు లాప్టాప్లు వీటితో పాటు రూ.5000/- (అయిదు వేల రూపాయిలు) నగదును అందజేశారు. ఈ సందర్బంగా కామినేని శ్రీనివాస్ మాట్లాడుతూ దాతలు ఈ విధంగా విద్యార్థులను ప్రోత్సహించటం చాలా సంతోషకారంగా ఉందని, విద్యార్థులు ఇలాంటి బహుమతులు మరెన్నో అందుకుని ఉన్నత శిఖరాలు అందుకోవాలని ఆకాంక్షించారు. విద్యార్థులకు పుస్తకాలు, పెన్నులు, బట్టలు, మొదలుగునవి బహుకరించటం చూసాం కానీ లాప్టాప్ లు బహుమతిగా అందించడం చాలా ఆనందదాయకం అని కొనియాడారు. వీటిని మంచిగా ఉపయోగించుకుని మంచి మార్గంలో ప్రయాణించాలని కన్న వారికీ, చదువు నేర్పిన గురువులకు, వున్న ఊరికి మంచి పేరు తేవాలని విద్యార్థులను కోరారు. ఈ ... Read more

మైనర్ బాలిక ను పెళ్లి చేసుకుంటానని మాయమాటలతో నమ్మించి అత్యాచారయత్నానికి పాల్పడిన వ్యక్తిపై కైకలూరు టౌన్ పోలీసులు ఫోక్సో కేసు నమోదు చేసి 24 గంటల్లో అరెస్ట్ చేసినట్టు కైకలూరు టౌన్ ఎస్ఐ డి. వెంకట్ కుమార్ శనివారం ఒక ప్రకటనద్వారా తెలిపారు. ఎస్సై వెంకట్ కుమార్ తెలిపిన వివరాలు ప్రకారం… కైకలూరు టౌన్ పోలీస్ స్టేషన్ పరిధిలో ఒక మైనర్ బాలికను కైకలూరు మండలంలోని ఒక గ్రామానికి చెందిన సుగుణరావు అనే వ్యక్తి ప్రేమిస్తున్నానని, పెళ్లి చేసుకుంటానని మాయమాటలు చెప్పి తీసుకెళ్లి అత్యాచారానికి ప్రయత్నిస్తుండగా.. సదరు బాలిక భయంతో కేకలు వేసింది. దీంతో నిందితుడు సుగుణరావు అక్కడి నుండి పారిపోయాడు. విషయాన్ని సదరు బాలిక సాయంత్రం ఇంటికి వచ్చి జరిగిన విషయాన్ని తన తల్లిదండ్రులకు తెలిపింది. ఈ ఘటనపై బాలిక తండ్రి శుక్రవారం రాత్రి కైకలూరు టౌన్ పోలీస్ స్టేషన్లో రిపోర్ట్ ఇచ్చారు. సదరు రిపోర్టుపై కైకలూరు టౌన్ ఎస్సై ... Read more

కైకలూరు టిజోల (tizola) యాప్ నిర్వాహుకులు బృందావనంలోని కమ్మిలి విఠల్ రావు నివాసం వద్ద యాప్ మాజీ శాసనసభ్యులు విఠల్ రావు తో ప్రారంభోత్సవం నిర్వహించారు. యాప్ అధినేత బి. సురేష్ మాట్లాడుతూ రెండు తెలుగు రాష్ట్రాల్లో యాప్ ప్రాచుర్యం పొందిందని, కైకలూరు పట్టణ పరిధిలోని ఐదు కిలోమీటర్ల వరకు ఉ 7గం నుండి రాత్రి 10గం వరకు కైకలూరులోని ప్రముఖ రెస్టారెంట్లు, హోటల్స్, స్వీట్ షాప్స్, నుండి ఫుడ్, టిఫిన్, స్నాక్స్ వంటివి డెలివరీ సౌకర్యం అందిస్తామని తెలిపారు. కైకలూరు పరిసర ప్రాంతాల్లోని ప్రజలు ఫుడ్ డోర్ డెలివరీ అందిస్తున్న ఈ యాప్ వాడుకోవాలని కమ్మిలి విఠల్ రావు కోరారు. ఈ కార్యక్రమంలో ఫ్రాంచైజీ పంతగాని రాము, రాష్ట్ర తెలుగు యువత కార్యదర్శి పూల రాజీ, మంగినేని రామకృష్ణ, కేకే బాబు, అన్నం రాంబాబు, డి రామస్వామి, ఎన్ సత్తిబాబు, తదితరులు పాల్గొన్నారు.