ప్రొఫెసర్ మృదులా గోయల్ నేతృత్వంలో..
బిట్స్ పిలానీ బెంగళూరు సెంటర్ కు గోవాలోని కేకే బిర్లా క్యాంపస్ కు చెందిన ప్రొఫెసర్ మృదులా గోయల్ నేతృత్వం వహిస్తారని, పూర్వ విద్యార్థుల వ్యవహారాల విభాగం, ఇన్ స్టిట్యూట్ ఇంక్యుబేషన్ సొసైటీల సహకారం ఉంటుందని తెలిపారు. బిట్స్ పిలానీ (BITS Pilani) వైస్ చాన్స్ లర్ ప్రొఫెసర్ వి.రాంగోపాల్ రావు మాట్లాడుతూ ఇన్నోవేషన్, ఇండస్ట్రీ సహకారాన్ని పెంపొందించాలన్న సంస్థ సంకల్పానికి బెంగళూరు కేంద్రం నిదర్శనమన్నారు. ‘‘బెంగళూరులో కొత్త కేంద్రాన్ని ప్రారంభించడం స్థానిక సమాజంతో మా సంబంధాలను బలోపేతం చేయడానికి, ఆవిష్కరణలను ప్రోత్సహించే డైనమిక్ పర్యావరణ వ్యవస్థను సృష్టించడానికి, వర్ధమాన పారిశ్రామికవేత్తలు, పరిశోధకులు రూపొందించడానికి మాకు సహాయపడుతుంది’’ అని ప్రొఫెసర్ రావు అన్నారు. బిట్స్ గోవా ఇన్నోవేషన్, ఇంక్యుబేషన్ అండ్ ఎంటర్ ప్రెన్యూర్ షిప్ సొసైటీ వ్యవస్థాపక నాయకురాలు ప్రొఫెసర్ మృదులా గోయల్ మాట్లాడుతూ ఇన్ స్టిట్యూట్ కార్యక్రమాలకు వెన్నెముకగా నిలిచిన పూర్వ విద్యార్థులకు కృతజ్ఞతలు తెలిపారు.
