bangladesh – బంగ్లాదేశ్ లో హిందువులపై దాడులు అరికట్టాలి
బంగ్లాదేశ్ లో ఇటీవల కాలంలో చెలరేగిన హింసకాండలో హిందువులపై దాడులు ఎక్కువయ్యాయని వాటిని అరికట్టాలని హిందూ సంఘాలు డిమాండ్ చేశాయి.
హిందువులపై దాడికి వ్యతిరేకంగా కైకలూరు కలిదిండి గ్రామాల్లో సోమవారం ర్యాలీ నిర్వహించారు.
ఈ సందర్భంగా కైకలూరులో శ్రీ శ్యామలాంబ ఆలయం వద్ద నుండి హిందూ సంఘాల ఆధ్వర్యంలో ర్యాలీ నిర్వహించారు. తాలూకా సెంటర్ వరకు జరిగిన ర్యాలీలో పెద్ద ఎత్తున హిందువులు పాల్గొని బంగ్లాదేశ్ కు వ్యతిరేకంగా నినాదాలు చేశారు. ముస్లిం దేశాలలో హిందువులపై దాడులు తరచూ జరుగుతున్నాయని ఐక్యరాజ్యసమితి జోక్యం చేసుకుని హిందువులకు రక్షణ కల్పించాలని కోరారు. అల్ప సంఖ్యలో ఉన్న హిందువులను లక్ష్యంగా చేసుకుని దాడులు జరుగుతున్నాయని వాపోయారు. ప్రపంచదేశాల్లో ఉన్న హిందువులందరికీ రక్షణ కల్పించాలని డిమాండ్ చేశారు. దీనిలో భాగంగా బంగ్లాదేశ్ కు వ్యతిరేకంగా నినాదాలు చేస్తూ భారీ ర్యాలీ నిర్వహించి స్థానిక తాలూకా సెంటర్లో మానవహారం గా ఏర్పడ్డారు. కార్యక్రమంలో కీర్తి వెంకట రాంప్రసాద్ మేడిశెట్టి పాములు శ్యామలరావు యానాల బసవయ్య సాయి గిరి తదితరులు పాల్గొన్నారు