మొన్న ఓసీపీలో ప్రమాదం
రామగుండం ఆర్జీ-3 పరిధిలోని ఓసీపీ-2 లో ఈనెల 17న మట్టిపెళ్ళలు విరిగి పడడంతో ఇద్దరు కార్మికులు మృతి చెందారు. మరో ఇద్దరు గాయాలతో బయటపడ్డారు. ఓపెన్ కాస్ట్ ప్రాజెక్టు 2 లో పైప్ లైన్ లీకేజీ మరమ్మత్తు పనులు చేస్తుండగా మట్టిపెళ్లలు విరిగిపడ్డడంతో నలుగురు కార్మికులు మట్టిలో కూరుక్కుపోయారు. వారిని వెంటనే సింగరేణి రెస్క్యూ టీం బయటకు తీసేలోపే ఫిట్టర్ వెంకటేశ్వర్లు, జనరల్ మజ్దూర్ విద్యాసాగర్ మృతి చెందారు. సమ్మయ్య, VSN రాజులు గాయపడ్డారు. వారు ప్రస్తుతం కోలుకుంటున్నారు. అది మరిచిపోక ముందే ఆర్జీ త్రీ ఓసీపీ వన్ లో పేలుడు పదార్థాలు నింపుతున్న సమయంలో ప్రమాదం చోటు చేసుకుని ఓబీ మట్టి కాంట్రాక్టు కార్మికుడు ఆడెపు శ్రీకాంత్ తీవ్ర గాయాలయ్యాయి. కంటి చూపు కోల్పోయే పరిస్థితి ఏర్పడింది.
