గాయత్రీమంత్ర జపం చెయ్యటం వల్ల మొదటి పాదంలో రుగ్వేదంలో చెప్పబడ్డ శుభప్రాప్తి, ఈశ్వరప్రాప్తి, జ్ఞానం, ఆత్మశాంతి, ధర్మనిరతి, కర్తవ్యపాలన, ప్రేమ, దయ, సేవ, ఉపకారత్వం మొదలైన ఫలితాలు కలుగుతాయి. వీటితో పాటు రెండవ పాదంలో యజుర్వేదంలో చెప్పబడ్డ వీరత్వం, రక్షణ, కీర్తి, నేతృత్వ సామర్థ్యం కలుగుతాయి. మూడవ పాదంలో సామవేదంలో చెప్పబడ్డ మనోవికాసం, ఆనందం, సంగీతం, సాహిత్యకళలు, వినోదాన్ని ఇచ్చే శక్తి సాధ్యమౌతాయి. నాలుగవ పాదంలో అధర్వణవేదంలో పేర్కొన్న ధనధాన్యవైభవం, అన్నవస్త్రాదులు, వస్తువాహనాలు, సుఖజీవనం కలుగుతాయి.
